बचत अपचलन गरेको आरोपमा कान्तिपुर को-अपरेटिभका पूर्वअध्यक्ष सिबी लामा पक्राउ

काठमाडौँ । प्रहरीले कान्तिपुर सेभिङ्ग एण्ड क्रेडिट को–अपरेटिभका पूर्वअध्यक्ष सिबी लामा पक्राउ परेका छन् । उपत्यका अपराध अनुसन्धान कार्यालयको टोलीले लामालाई नेपाल–भारतको सीमाबाट पक्राउ गरेको हो ।

कान्तिपुर र पशुपति सहकारीबाट बचतकर्ताको बचत अपचलन गरेको अभियोगमा लामालाई पक्राउ गरेको हो । लामालाई कान्तिपुर सहकारीको ६ अर्ब रुपैयाँ र पशुपतिको २ अर्ब गरी ८ अर्ब रकम अपचलन गरेको आरोप छ । उक्त सहकारीका वर्तमान अध्यक्ष हिमाल विक्रम मल्ल पक्राउमा परिसकेका छन् ।

कान्तिपुर सहकारीले बचतकर्ताको ७ अर्ब १५ करोड रुपैयाँ र पशुपति बचत तथा ऋण सहकारीले १ अर्ब ११ करोड ४८ लाख ३ हजार रुपैयाँ ठगी गरेको भन्दै बचतकर्ताको उजुरी परेको छ । यी दुवै सहकारी संस्थालाई सरकारले समस्थाग्रस्त घोषणा गरिसकेको छ ।