सात अर्बको कारोबार संगै नेप्से परिसूचक ३५.३९ अंकले बढ्यो

काठमाडौँ ।  यो साताको चौथो दिन पनि नेप्से दोहोरो अंकले बढेको छ । बुधबार नेप्से परिसूचक ३५.३९ अंकले बढेर २१४१.८७ मा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से सोमबार अन्ततः १.६८ प्रतिशतले बढ्न पुगेको हो ।

बजारमा आज ७ अर्व रुपैयाँ बराबरको किन-बेच भएको छ  । जसमा १६१ कम्पनी बढेका छन् भने ७८ कम्पनी घटेका छन् । यसैगरी ५ वटा कम्पनीको शेयर भने स्थिर रहन पुगेका छन् । यो दिन पनि बोटलर्स नेपाल बालाजुको शेयरमा १० प्रतिशतको उछाल आएको छ ।

आज सर्वाधिक  रकमको  कारोबार गर्ने कम्पनीमा शिवम सिमेन्ट रह्यो भने सर्वाधिक शेयर कारोवार हिमाल दोलाखा हाइड्रोपावर रह्यो ।