प्राइम बैंकले लगानीकर्तालाई लाभांश वितरण नगर्ने

काठमाडौँ । प्राइम कमर्सियल बैंक लिमिटेडले लाभांश नदिने भएको छ । आज बसेको कम्पनीको ४८७ औँ सञ्चालक समितिको बैठकले आर्थिक वर्ष २०७९/८० को नाफाबाट लगानीकर्तालाई लाभांश वितरण नगर्ने भएको हो ।

सञ्चालक समितिको बैठकले गत आर्थिक वर्षको वित्तीय विवरण स्वीकृतिका लागि नेपाल राष्ट्र बैंकमा पठाउने निर्णय समेत गरेको छ ।

प्राइम बैंकले चालू आर्थिक वर्षको बजेटको व्यवस्थाअनुसार सरकारलाई मर्जर तथा प्राप्ति र प्रिमियममा सेयर जारी गरेबापतको कर बुझाएको छ । कम्पनीले ठुला करदाता कार्यालयमा २८ करोड ९६ लाख रुपैयाँभन्दा धेरै कर बुझाएको थियो । सोही कारण लगानीकर्तालाई लाभांश वितरण नगर्ने प्रस्ताव गरेको हो ।