चैतन्य संवादमा स्थानीय सरकार ,सुशासन तथा विकास निर्माण विषयमा अन्तरक्रिया

धनगढी । चैतन्य पाठशालाको आयोजनामा स्थानीय सरकार ,सुशासन, योजना तर्जुमा र विकास निर्माणका विषयमा अन्तरक्रिया सम्पन्न भएको छ । आज सोमबार धनगढी उपमहानगरपालिका वडा नम्बर ५ शिव नगरमा रहेको चैतन्य पाठशालाको आयोजनामा अन्तरक्रिया सम्पन भएको हो ।

चैतन्य पाठशालाको नियमित अभियान चैतन्य संवादमा डोटीको बोगटान गाउँपालिका अध्यक्ष कमल वहादुर गडसिलासँग विद्यार्थीहरूले सरकार ,सुशासन, योजना तर्जुमा र विकास निर्माण विषयमा अन्तरक्रिया गरेका हुन् ।

अन्र्तक्रियामा स्थानीय सरकार ,सुशासन ,योजना तर्जुमा, विकास निर्माण सामाजिक परिचालन आदि विषयका बारेमा छलफल भएको थियो । बोगटान गाउँपालिका अध्यक्ष कमल वहादुर गडसिलाले संविधान अनुसार निर्धारण गरेका पालिकाका क्षेत्र र अधिकारको अभ्यास गर्दै पालिकालाई समृद्ध बनाउन आफूले गरेको प्रयासहरू विद्यार्थी माझ राखेका थिए ।