प्रधानमन्त्री प्रचण्डकी नातिनी रेनुकी छोरी प्रतिभा विवाह बन्धनमा

काठमाडौँ । प्रधानमन्त्री पुष्पकमल दाहाल ‘प्रचण्ड’ की नातिनी एवम् भरतपुर महानगरपालिका प्रमुख रेनु दाहालकी छोरी प्रतिभा पाठक शुक्रबार विवाह बन्धनमा बाँधिएका छन् । प्रतिभाको गोरखा घ्याल्चोकका विज्ञानबाबु रेग्मीसँग विवाह भएको हो ।।

गोकर्ण फरेस्ट रिसोर्टमा भव्यताका साथ विवाह भएको छ । मंसिर १२ गते उनीहरूबीच ‘इन्गेजमेन्ट’ अर्थात टीकाटालो भएको थियो । विवाह समारोहमा प्रचण्डका पारिवारिक सदस्य, सरकारका मन्त्रीहरू, उच्च तहका कर्मचारीहरू, संवैधानिक प्रमुख, पूर्वप्रधानमन्त्रीहरू तथा विभिन्न दलका शीर्ष नेताहरू लगायतलाई निमन्त्रणा गरिएको थियो ।

रेनु प्रचण्डकी माइली छोरी हुन् । प्रतिभाले बेलायतबाट उच्चशिक्षा लिएकी छिन् । अर्थशास्त्री बिज्ञानबाबुले अक्सफोर्ड विश्वविद्यालयबाट ‘इकोनोमिक डेभलपमेन्ट’ मा स्नातकोत्तर गरेका छन् ।