धनकुटामा एमाले अध्यक्ष ओली माथि मुक्का प्रहार (भिडियो सहित)

काठमाडौं। संकल्प यात्राको क्रममा धनकुटा पुगेका नेकपा एमालेका अध्यक्ष केपी शर्मा ओलीलाई एक जनाले मुक्का हानेका छन् ।  ओलीमाथि धनकुटाकाे महालक्ष्मी नगरपालिका-५, लेगुवामा मुक्का प्रहार भएकाे हाे ।

लेगुवाका महेश राईले ओलीलाई भोजपुरबाट धनकुटा प्रवेश गर्नासाथ ओलीलाई मुक्का हानेका हुन् । स्थानीयबासी ओलीको स्वागतका लागि लाइनमा बसिरहेका  थिए । साेहि क्रममा बीचतिर रहेका राईले अघि बढेर ओली नजिकै पुगेर मुक्का प्रहार गरेका थिए ।

राईलाई हाल सुरक्षाकर्मीको नियन्त्रणमा रखिएको छ। हालसम्म उनले हमला गर्नुको कारण भने खुलिसकेकाे छैन । तर उनले मादक पदार्थ सेवन भने गरेकाे बताइएकाे छ ।