सुदुर पश्चिमाञ्चल क्याम्पसमा हाजिरीजवाफ प्रतियोगिता सम्पन्न

धनगढी । सुदुर पश्चिमाञ्चल क्याम्पस धनगढीमा स्नातक तह स्तरीय हाजिरीजवाफ प्रतियोगिता सम्पन्न भएको छ । आज बिहिवार क्याम्पस विद्यार्थी परिषदको आयोजनामा प्रतियोगिता सम्पन्न भएको हो ।
विद्यार्थीहरुको बौद्धिक क्षमता बिकास गर्ने उदेश्यले  स्नातक तह स्तरीय हाजिरीजवाफ प्रतियोगिता आयोजना गरिएको विद्यार्थी परिषदका अध्यक्ष कृष्ण पुजाराले जानकारि दिए ।  प्रतियोगितामा बि.एड. तेस्रो बर्षका रन्जित धनाडी, प्रदीप गिरि ,राममाया बानिया, कमला खड्का र सरिता भण्डारीको समूह प्रथम स्थान प्राप्त गर्न सफल भएको अध्यक्ष पुजाराले बताए ।
त्यसैगरी  बि.आइ.एम. चौथो सेमेस्टरका पुर्ण बहादुर साउद,दिपक जोशी, हेम जोरा , दिपेन्द्र खत्री र  सुलभ थापाको समूह दोस्रो स्थान हासिल गर्न सफल भएको थियो । भने  बि.बि.एस. तेस्रो बर्ष (Sec: A)शान्ती देवकोटा,रोहन धामी ,चन्द्रा बोहरा, लक्ष्मी  पाण्डेय र मनिश महराको समुह तेस्रो स्थान ग्रहण गर्न सफल भएको थियो ।
यसैगरी बि.बि.एस. चौथो बर्षको अशोक खड्का, महेन्द्र धामि, श्रद्धा भट्ट,सागर जोशी र इश्वर बोहराको समुहले भने शन्त्वना स्थान प्राप्त  सफल भएको अध्यक्ष पुजाराले जानकारी दिए।