सुदूरपश्चिम महोत्सवमा आज  चर्चित लोदोहोरी गायक पुष्कल शर्मा, टेक बीसी र नरेश जोशी आउने

धनगढी । सुदूरपश्चिम महोत्सवको चौथो दिन आज चर्चित राष्ट्रिय तथा स्थानीय कलाकारहरुको प्रस्तुती रहने भएको छ । आज चर्चित लोदोहोरी गायक पुष्कल शर्मा, टेक बीसी र नरेश जोशी आउने कार्यक्रम रहेको संयोजक मिलन कुँवरले जानकारी दिए ।

त्यसैगरी कार्यक्रम उद्घोषण गायीका मञ्जु पौडेल रहने र स्थानीय कलाकारहरुको समेत विशेष प्रस्तुती रहने संयोजक कुँवरले जानकारी दिए ।

मंसिर २२ गतेबाट सुरु भएको महोत्सव पुष २ गतेसम्म चल्ने छ । यस बर्षको महोत्सवमा थारु गाउँ ,फोटो प्रर्दशनी , स्थानीय परिकार,कला संस्कृति मुख्य आर्कषण रहेका छन् ।

महोत्सवको टिकट मोवाइल वालेट खल्तीबाट किन्न सकिने आयोजकले जनाएको छ । साधारणलाई रु १०० र विद्यार्थीलाई रु ५० टिकट निर्धारण गरिएको छ ।