धनगढी एफसी रोमान्चक प्रदर्शन

धनगढी । नेपाल सुपर लिग (एनएसएल) अन्तर्गत शनिबार भएको खेलमा धनगढी एफसी रोमान्चक प्रदर्शन गरेको छ।

पहिलो हाफमा पछि परेको धनगढी एफसीले दोस्रो हाफमा उत्कृष्ट पुनरागमन गर्दै स्पोर्टिङ इलाम एफसीसँग अंक खोसेको छ।

त्रिपुरेश्वरस्थित दशरथ रगंशालामा शनिबारको पहिलो खेलमा धनगढीले इलामलाई २–२ को बराबरी गर्दै अंक खोस्न सफल भएको हो।

खेलको पहिलो हाफमा २–० ले पछि परेको धनगढीले दोस्रो हाफमा उत्कृष्ट पुनरागमन गर्दै इलामसँग बराबरी गरेको हो।

पहिलो हाफमा २–० को अग्रता बनाएको इलामले दोस्रो हाफमा केही सन्तुलन गुमाउँदा गोल खान पुग्यो।