सुदूरपश्चिम महोत्सवमा आज शान्ति श्री परियार र प्रताप दास आउने

धनगढी । सुदूरपश्चिम महोत्सवको दोस्रो दिन आज चर्चित राष्ट्रिय तथा स्थानीय कलाकारहरुको प्रस्तुती रहने भएको छ । आज चर्चित कलाकार शान्तिश्प श्री परियार र प्रताव दास आउने सांस्कृतिक संयोजक मिलन कुँवरले जानकारी दिए । त्यसैगरी स्थानीय कलाकारहरु डिग्रा देवि गाइने र राज केशव भटको प्रस्तुती रहने बताइएको छ । यस्तै आज विद्यालय र क्लव स्तरीय नृत्य प्रतियोगिता गराइने आयोजकले जानकारी दिएको छ ।

हिजो मंसिर २२ गते बाट सुरु भएको महोत्सव पुष २ गतेसम्म चल्ने छ । यस बर्षको महोत्सवमा थारु गाउँ ,फोटो प्रर्दशनी , स्थानीय परिकार,कला संस्कृति मुख्य आर्कषण रहेका छन् । महोत्सवको टिकट मोवाइल वालेट खल्तीबाट किन्न सकिने आयोजकले जनाएको छ । महोत्सव भित्र रहेको खल्तीको स्टलबाट खल्तीको प्रोमो कोड लगेर टिकट काट्दा हरेक टिकटमा २५ रुपियाँ क्यास ब्याक पाइने बताइएको छ । साधारणलाई रु १०० र विद्यार्थीलाई रु ५० टिकट निर्धारण गरिएको छ ।