अस्मिता अधिकारी र सुमन बिटीको आवाजमा ‘पास गरौँला’ सार्वजनिक (भिडियोसहित)

काठमाडौं । चर्चित गायिका अस्मिता अधिकारी र गायक सुमन बिटीको आवाजमा रहेको गीत ‘पास गरौँला’ सार्वजनिक भएको छ । गीतको भिडियो सुमन बिटी अफिसियल युट्युब च्यानलबाट सार्वजनिक गरिएको हो ।

आधुनिक फिल्मी गीतमा एकेन्द्र भुलको शब्द रहेको छ भने जीवन ढुंगेलको संगीत रहेको छ । भिडियोको निर्देशन पनि संगीतकार ढुंगेलले नै गरेका छन् । भिडियोमा चर्चित मोडलहरु सरोज प्रजा र बिना राउतलाई फिचर्ड गरिएको छ । गीतमा प्रेमिल भावलाई सुन्दर ढंगबाट प्रस्तुत गरिएको छ ।

मकवानपुरको कुलेखानीमा छायांकन गरिएको म्यूजिक भिडियोमा लोभलाग्दो दृश्यलाई देखाइएको छ । गीतमा प्रेमी जोडीले एक अर्कालाई साथलाई कहिले नछोड्ने प्रतिज्ञा गरेको कुरालाई देखिएको छ । गीतमा सुबिन सेञ्चुरीको एरेन्ज, रोशन विश्वकर्माको कोरियोग्राफी, कृष्ण पुनको मिक्सिङ्ग मास्टरिङ, उत्सव दाहालको छायांकन रहेको छ ।

अस्मिता अधिकारी पछिल्लो पुस्ताको अत्यन्तै रुचाइएकी गायिका हुन् । गायक सुमन बिटीले पनि ‘रातो डोरी शिरैमा’ बोलको चर्चित गीतमा आवाज भरिसकेका छन् ।